بمناسبة عيد الاضحى نقدم لكم طريقة تحضير الخليع المغربي.

moroccan khli3

مقادير الخليع

كمية من اللحم(كيلو) كيكون فيه غير الهبرة كنقطعو طريفات صغار
نرقدوه في كاس معامرش ديال الملحة +3 معالق كبار القزبر حبوب مطحون+ نصف كاس ديال الخل+ شوية ديال سكينجبير+ راس ديال التومة مطحونة

طريقة تحضير الخليع

نرقدوهوم و نخليوهم ليلة كاملة في التلاجة
و نستفوه في بلاطو و نديروه ييبس في الشمس بحال القديد.هنا منين يبس مخصوش ييبس بزاف باش ميجيش قاصح المهم ييشف مزيان من الما ديالو
كنديرو 3 ديال الكيسان ديال الزيت البلدية و كاس ديال الماء و شوية ديال القزبر يابس و نعمل اللحم اليابس ديالي في الطنجرة يطيب على عافية مهيلة باش ميجيش يابس
و ندوزو للشحمة كندوبوها بوحدها عاد كنضيفوها ليه تكون ديال الكلوة من بعد ما نكونو صفيناهاو نزيدو كاس ديال الزيت و نخليوه يطيب مزيان خاص داك الماء كلو ينشف باش ميخسرش و ديما على عافية مهيلة و نعمروه في القراعي.
و بالصحة و الراحة

1 Star2 Stars3 Stars4 Stars5 Stars (3تقييم, بمعدل: 2.00 من 5)
Loading...
Partager