نقدم لكم من جديد وصفة من اعداد العضوة ام هيثم و مشكورة على مشاركتها في موقع الحادكة
 المقادير
2 بيضة
2كاس الحليب
4 خمارات
2 كاس الزيت
2كاس السنيدة
6 معالق كبار كاكاو مسوس
4 كؤوس دقيق
للتزيين

2 حكاك قشدة طرية ديال 200
4 معالق كبيرة سكر سنيدة
كيس سكر فاني
حبات الفريز
علبة من الانناس المصبر
قطع من الكركاع
شعرية الشكولاطة
200ع من الشكولاطة

الطريقة
نخلط البيض وسكر سنيدة في الطراب الكهربائي نزيدوا الزيت والحليب وكاكاو من بعد نزولو الخليط من الطراب ونزيدو الدقيق مغربل مع
الخميرة.
ناخد لاطة الفرن مربعة راه مبينة في الصورة نفرشوها بالورق يعني بابي سولفيريزي ونصب الخليط وندخلها الفرن على حرارة 180 درجة مدة 25 دقيقة.


لتحضير الشكولاطة
في حمام مريم نديب الشكولاطة ونبسط الشكولاطة المدابة فوق رخامة او طاولة وندعها تبرد نحكها بسكين حاد للحصول على قشرة رقيقة نزين بها الحلوى من فوق

لتحضير الكريمة
تكون الكريمة باردة جدا والاناء بارد لغادي نطربوا فيه باش نحصلوا على كريمة كثيفة وواقفة هدا هو سر ديال كثافة القشدة ومنين كتكوني تطربي متوقفيش الخلاط الكهربائي باش ما تنزلش ليك القشدة هاد السر من عندي انا لان هدا هو المجال ديالي.
نصفي الانناس من السيروا وهداك السيرو هو ليتسقي بيه الحلوى منين تخرج من الفرن ونقطع ثلاث دوائر من الانناس الى قطع صغيرة نخرج الكيكة من الفرن ونقسمها الى قطعتين متساويتين نسقي القطع ب2 بسيرو ديال الانناس.

وندهنها بالقشدة ثم نرش قطع الانناس لي قطعنا ونغطي بقطعة الكيك الثانية وندهن الوجه والجوانب بالقشدة
نزين الجوانب بشعرية الشكولاطة والوجه بالشكولاطة المحكوكة واطراف الانناس و الكركاع

والفريز تقطعيه من الجوانب متوصليش للراس وتزوقي بيه الحلوى و ويلا بغيتى ديريها لعيد الميلاد تصوبي قلب وتكتبي فيه الاسم.ونتمنى منكم واحد دعيوات وكنستنى الردود والتشجيع ديالكم

1 Star2 Stars3 Stars4 Stars5 Stars (1تقييم, بمعدل: 5.00 من 5)
Loading...
Partager